4 апреля 2025 года в Музее истории ВНХУ (ул. Марка Шагала, 5а) начала работу персональная выставка графики Юрия Тореева. Юрий Александрович Тореев родился в 1965 году в Минске. Окончил Минское художественное училище (1985) и Белорусскую государственную академию...
6 сакавіка 2025 года ў 17.00 у выставачнай зале Музея сучаснага мастацтва – філіял установы культуры “Музей Марка Шагала ў Віцебску” (вул. Генерала Белабародава, 5) адбудзецца урачыстае адкрыццё юбілейнай выставы жывапісу Міхася Ляўковіча «Маё адчуванне...
20 лістапада а 17 гадзіне ў выставачнай зале Віцебскага цэнтра сучаснага мастацтва на Фрунзэ, 11 адбудзецца адкрыццё персанальнай выставы жывапісу Вячаслава Дружкіна. Вячаслаў Паўлавіч Дружкін нарадзіўся 8 ліпеня 1959 года ў Казахстане. Скончыў Цалінаградскі...
У музеі гісторыі Віцебскага народнага мастацкага вучылішча працуе персанальная выстава беларускага мастака Уладзіміра Хіна «Ad infinitum. Веліміру Хлебнікаву прысвячаецца». Уладзімір Хін (Правідохін) – вядомы мастак-графік, чыя творчая спадчына займае асаблівую нішу ў...
Выстава дыпломных работ мастацка-графічнага факультэта УА “Віцебскі дзяржаўны ўніверсітэт імя П.М. Машэрава» ўяўляе сабой унікальную магчымасць акунуцца ў разнастайнасць творчых пошукаў і дасягненняў выпускнікоў розных гадоў. Экспазіцыя ахоплівае шырокі спектр відаў,...
С 24 по 27 октября 2024 года Витебске пройдёт XXXVIII Открытый фестиваль авторской песни, поэзии и визуальных искусств «ВИТЕБСКИЙ ЛИСТОПАД», который вновь объединит в творческом полёте музыкантов, поэтов, художников, перформеров и фотографов. Традиционно, нас ожидает...
Адкрылася выставы мастацкай фатаграфіі “Fly on, Little wing” Юліі Лёвачкінай-Жураўскай. Юлія нарадзілася ў 1994 годзе ў Віцебску. З 2013 года вучылася ў тэатральнай акадэміі Санкт-Пецярбурга на актрысу тэатра лялек. Па яе словах, гэта навучыла яе таму, што ў...
У арт-прасторы “Талстога, 7” а 17 гадзіне адбудылося адкрыццё выставы мастацкага тэкстылю “Гукавыя галюцынацыі” мінскай мастачкі Алены Обадавай. Алена адаптавала старажытную беларускую традыцыйную тэхніку падвоенага ткацтва для стварэння ўласных вобразных сістэм. Яна...
У Музеі гісторыі Віцебскага народнага мастацкага вучылішча (вул. Марка Шагала, 5а) адкрылася выстава жывапісу “Image&color” Генадзя Козела з Мінска. Генадзь Козел старшы выкладчык кафедры мастацтваў і асяродкавага дызайну на факультэце сацыякультурных камунікацый...
26 чэрвеня а 17-й гадзіне адбылася прэзентацыя новай выставачнай залы з пастаяннай экспазіцыяй беларускага мастака Аляксандра Салаўёва – удзельніка Вялікай Айчыннай вайны, заслужанага дзеяча мастацтваў БССР, кавалера ордэна Францыска Скарыны. У межах святкавання Дня...
5 красавіка ў выставачнай зале Белабародава,5 у межах юбілейнай выставы “Маё адчуванне прасторы”адбылася творчая сустрэча з віцебскім мастаком Міхасём Ляўковічам.
У Музеі гісторыі Віцебскага народнага мастацкага вучылішча пачала працу персанальная выстава графікі Юрыя Тарэева – дызайнера, сябра Беларускага саюза мастакоў, Беларускага саюза дызайнераў, дацэнта кафедры графічнага дызайна Беларускай дзяржаўнай акадэміі мастацтваў.
Юрый Тарэеў нарадзіўся ў 1965 годзе ў Мінску. Скончыў Мінскае мастацкае вучылішча (1985), Беларускую дзяржаўную акадэмію мастацтваў (1992). Працуе ў галіне графічнага дызайну, графікі, каліграфіі, фотаграфікі. Удзельнік шматлікіх рэспубліканскіх і міжнародных выстаў і конкурсаў.
На выставе прадстаўлены больш за 40 плакатаў ў сучаснай інтэрпрэтацыі аўтара, прысвечаных групе УНОВИС, мастакам еўрапейскага і рускага авангарда. А таксама графічныя творы, якія паказваюць шырокі дыяпазон візуальных пошукаў Юрыя Тарэева. У іх аўтар эксперыментуе з сэнсамі і формамі, рознымі тэхнікамі і матэрыяламі. Гэтыя аркушы часта ствараюцца хутка і спантанна, вольна і падсвядома. Графіка Юрыя Тарэева – досвед амаль штодзённых практыкаванняў, якія становяцца самастойнымі творамі, матывамі для будучых плакатаў, спосабам адкрыцця новых ідэй.
Выстава будзе працаваць да 15 чэрвеня 2025
📍Музей гісторыі Віцебскага народнага мастацкага вучылішча вул. Марка Шагала, 5а
У суботу 5 красавіка а 14 гадзіне запрашаем на творчую сустрэчу з мастаком Міхасём Ляўковічам. Месцам сустрэчы з майстрам стане яго юбілейная выстава «Маё адчуванне прасторы”, якая працуе ў выставачнай зале на Белабародава,5. У экспазіцыі прадстаўлена больш за 80 жывапісных палотнаў, якія створаны за апошнія пяць гадоў.
Міхась Ляўковіч – вядомы віцебскі мастак-акварэліст, прадстаўнік рэалістычнага жывапісу, які зараз захапіўся стварэннем абстрактных кампазіцый. Міхась Васільевіч імкнецца спалучыць фігуратыўныя і абстрактныя формы мастацтва. Яго жывапісныя творы напоўнены яркімі эмоцыямі і шматлікімі колера-формамі.
Падчас сустрэчы мастак раскажа пра свой творчы шлях, падзеліцца цікавымі гісторыямі са свайго жыцця, крыніцамі натхнення, распавядзе пра ідэі прадстаўленых прац і працэс іх стварэння, паразважае пра асаблівасці свайго мастацтва. У наведвальнікаў будзе магчымасць пазнаёміцца і асабіста пагутарыць з мастаком, задаць свае пытанні, глыбей зазірнуць у яго творчы свет і даведацца больш пра тонкасці майстэрства.
Запрашаем усіх жадаючых!
Уваход 3 руб.
📍5 красавіка |14.00 Выставачная зала Белабародава, 5
21 сакавіка ў 17.30 арт-прастора “Талстога, 7” запрашае на архітэктурны майстар-клас “Млын” ад мастачкі і практыкуючай архітэктаркі Наталлі Айдэмір, стваральніцы дзіцячай архітэктурнай майстэрні “Арт КРОПКА” ў Віцебску @kropka.vitebsk.
Дзеці 6-12 гадоў змогуць паспрабаваць сябе ў якасці архітэктараў і стварыць макеты рухомых млыноў. А таксама даведацца, дзе знаходзіцца вёска млыноў, якія бываюць млыны і для чаго іх выкарыстоўваюць.
6 сакавіка а 17 гадзіне у выставачнай зале Белабародава, 5 адкрыццё юбілейнай выставы жывапісу Міхася Ляўковіча "Маё адчуванне прасторы".
Міхась Ляўковіч нарадзіўся ў 1950 годзе ў вёсцы Язна Міёрскага раёна. Адчуць сябе мастаком дапамагла служба ў войску, дзе ён два гады навучаўся ў студыі выяўленчага мастацтва. Пасля вяртання да дому, працаваў афарміцелем на наваполацкім заводзе "Палімір". У 1976 годзе М. Ляўковіч скончыў мастацка-графічны факультэт Віцебскага педагагічнага інстытута імя С.М. Кірава, і з гэтага моманту ўсё яго жыццё звязана з Віцебскам. Застаўшыся выкладчыкам пасля заканчэння вучобы, Міхаіл Васільевіч, як і яго студэнты, таксама вучыўся і ўдасканальваўся. Яго педагогамі былі вядомыя мастакі Леанід Анцімонаў і Алег Арлоў. Значны ўплыў на станаўленне мастака аказала творчасць народнага мастака РСФСР Канстанціна Максімава. Быў кіраўніком аб`яднання "Віцебская акварэль" з 1995 па 2011 год, неаднаразова абіраўся членам праўлення абласной арганізацыі Беларускага саюза мастакоў. Яго творы захоўваюцца ў музеях Беларусі і за мяжой, у прыватных зборах краін блізкага і далёкага замежжа.
Міхась Ляўковіч, як мастак нашага часу – часу постмадэрнізму – імкнецца спалучыць фігуратыўныя і абстрактныя формы мастацтва. Яго жывапісныя творы напоўнены яркімі эмоцыямі і шматлікімі колера-формамі. У лірычных кампазіцыях відавочны жанравыя прыкметы нацюрмортаў, пейзажаў, партрэтаў. Іх адметнасць у плённым спажыванні экспрэсіўнай абстракцыі. На шматгранных па сэнсу палотнах паўсюль відавочна паэтыка рамантызму і ўлюбённасць мастака ў родны край, яго дзівосныя таямніцы і глыбокае раскрыццё характараў тутэйшага люду.
Вострае вока можа ўбачыць праз лёгкую трактоўку абстракцыянізму, які ўпэнена ўклініўся і заснаваўся ў аўтарскай прасторы мастака XXI-га стагоддзя, захаваўшуюся глыбіню рэалістычнай манеры алейныга жывапісу з мінулага XX-га. Гэтае спалучэнне робіць працы мастака выразнымі, арыгінальнымі і прыцягальнымі, дазваляе бачыць магію аўтарского сінтэзу розных мастацкіх стыляў.
У экспазіцыі прадстаўлена больш за 80 твораў, якія напісаны ў апошнія пяць гадоў.
6 сакавіка ў 17.30 у арт-прасторы Талстога,7 адбудзецца трэці майстар-клас у межах выставачнага праекта “Рай” падрыхтаванага супольнасцю @tkach_pro
Ніка Кулешкова @joynklne запрашае зрабіць роспіс масак ручной работы з пап’е-машэ.
Чалавецтва на працягу ўсёй гісторыі задумваецца пра тое, што такое “райскі сад” і ці быў ён насамрэч. На МК #Райскае – вы адчуеце, што гэтае месца сапраўды існуе і любы можа стаць датычным да яго. Кожны удзельнік зможа абраць свой “райскі” вобраз-маску і нават надаць яму фарбаў.
Неабходна ўзяць з сабой: фарбы на ваш густ (акрыл, гуаш, акварэль), пэндзлі, палітры і выдатны настрой.
У завяршэнні майстар-класа ўсе ўдзельнікі атрымаюць невялікі памятны падарунак у межах праекта #TkachProFest, а таксама будзе праводзіцца розыгрыш, дзе самы ўдачлівы атрымае яшчэ адзін падарунак. Усе распісаныя “райскія” аб`екты застаюцца ў аўтараў-удзельнікаў МК.