Музей гісторыі Віцебскага народнага мастацкага вучылішча
Музей размешчаны ў асабняку, у якім у 1918–1923 гадах працавала Віцебскае народнае мастацкае вучылішча, заснаванае Маркам Шагалам. Будынак з'яўляецца гісторыка-культурным помнікам архітэктуры пачатку ХХ стагоддзя.
Музей гісторыі Віцебскага народнага мастацкага вучылішча асвятляе гісторыю і культуру Віцебска ХIХ – ХХ стагоддзяў, расказвае пра такіх мастакоў, як Марк ШАГАЛ, Казімір МАЛЕВІЧ, Эль ЛІСІЦКІ і многіх іншых, а таксама пра творчае аб'яднанне УНОВІС (“Сцвярджальнікі Новага Мастацтва”).
Музей абсталяваны мультымедыйнымі прыладамі, якія дазваляюць пагрузіцца ў тэму рускага авангарда.
Прадугледжана экскурсійнае абслугоўванне і індывідуальнае наведванне.
210015, г. Віцебск, вул. Марка Шагала, 5а
тэл.: +375 212 680125
Зімовы час працы (з 1 кастрычніка): 10.00 –18.00.
Летні час працы (з 1 мая): 11.00 – 19.00.
Выходной: вторник, понедельник (с 1 октября по 30апреля)
Афіцыйнае адкрыццё Музея гісторыі Віцебскага народнага мастацкага вучылішча (вул. Марка Шагала, 5а) адбылося 9 лютага 2018 года ў будынку, у якім у 1918–1923 гадах размяшчалася Віцебскае народнае мастацкае вучылішча (ВНМВ). Вучылішча было створана па ініцыятыве Марка Шагала – упаўнаважанага Калегіі па справах мастацтваў Віцебскай губерні, і стала першай дзяржаўнай педагагічнай установай мастацкага профілю на тэрыторыі нашай краіны.
Музей адкрыты напярэдадні 100-гадовага юбілею заснавання ВНМВ, а рэканструкцыя будынка была распачата ў 2013-м – у год стагоддзя з часу будаўніцтва будынка віцебскім банкірам Ізраілем ВІШНЯКОМ.
Рэканструкцыя выканана ў адпаведнасці з захаваным планам будынка 1923 года: узноўлены тыповы інтэр'ер пачатку XX стагоддзя, фрагментарна адкрыты аўтэнтычны мур сцен, зроблены зандаж старой тынкоўкі.
Мультымедыйнае абсталяванне дапамагае акунуцца ў атмасферу тых гадоў.
Наведвальнікі музея могуць азнаёміцца з культурным жыццём Віцебска канца ХІХ – пачатку ХХ стагоддзя, даведацца пра дзейнасць ВНМВ і пра стварэнне творчага аб'яднання УНОВІС (“Сцвярджальнікі Новага Мастацтва”).
З ВНМВ звязаны найбольш плённыя гады такіх мастакоў рускага авангарда, як Марк ШАГАЛ, Казімір МАЛЕВІЧ і Эль ЛІСІЦКІ.
Цяпер Марк ШАГАЛ і Казімір МАЛЕВІЧ уваходзяць у ТОП-30 самых дарагіх мастакоў свету, і іх творчасць цікавіць людзей розных краін.
Наведвальнікі могуць пабываць у зале Марка ШАГАЛА, у якой знаходзіцца ўнікальнае мультымедыйнае люстэрка, якое дазваляе весці “дыялог” з Майстрам.
У зале Казіміра МАЛЕВІЧА на сценах “ажываюць” цытаты з твораў аўтара знакамітага “Чорнага квадрата”. Кожны наведвальнік можа скарыстацца інфармацыяй, якая занесена ў мультымедыйны стол, выкананы ў стылі мінулага стагоддзя.
У музеі таксама можна даведацца пра жыццёвы і творчы шлях выкладчыкаў і выпускнікоў вучылішча: Мсціслава Дабужынскага, Веры Ермалаевай, Роберта Фалька, Аляксандра Рома, Ксеніі Багуслаўскай, Івана Пуні, Давіда Якерсона, Іллі Чашніка, Ніны Коган, Мікалая Суеціна, Абрама Бразера і многіх іншых, дзякуючы якім Віцебск увайшоў у гісторыю сусветнага мастацтва.
Сёння а 17-й гадзіне ў арт-прасторы “Талстога, 7” Дзіцячая мастацкая школа г. Віцебска прэзентуе адразу два выставачныя праекты!
✔️Выстава “Стылізацыя-імправізацыя” прадстаўляе работы навучэнцаў мастацкай школы па дэкаратыўна-прыкладным мастацтве ў тэхніках гарачага і халоднага баціку, свабоднага роспісу па ткані і габелену.
✔️Выстава “Уражанні. Лета-2024” – гэта выстава Кара Юліі, якая вучыцца ў мастацкай школе з 2019 года. На выставе ў арт-прасторы прадстаўлены жывапісныя і графічныя работы, выкананыя ў розных тэхніках. Работы прысвечаныя роднаму гораду Віцебску. На іх можна пазнаць як усім вядомыя віды горада, так і яго невядомыя куточкі, у якіх Юлія пабачыла сваё асаблівае зачараванне.
Працягваем калажыць разам з Наталляй Тарабукай!
@leonta55ster
4 снежня ў 18:15 у арт-прасторы “Талстога,7” адбудзецца чарговая сустрэча “Калажнай лабараторыі”.
Гэта майстар-класы, дзе любы зацікаўлены зможа зрабіць плакаты, кнігі і паштоўкі ў тэхніцы калажу.
Тэма гэтай серады - дэкалаж 🔥
Будзем працаваць з некалькімі слаямі выяў, ствараць непаўторны характар кампазіцыі і вобразаў, разрываючы выявы ў адвольным парадку.
Уваход вольны. Запіс у дырэкт.
Гарбата будзе😌
30 лістапада а 15-й гадзіне адбудзецца адкрыццё выставы Сяргея Чарціліна “Паралелі”.
Чакаем вас заўтра ў выставачнай зале на Белабародава, 5!
30 лістапада а 15-й гадзіне ў выставачнай зале на Белабародава, 5 адбудзецца адрыццё персанальнай выставы “Паралелі” Сяргея Чарціліна.
Сяргей Чарцілін – беларускі мастак, выпускнік мастацка-графічнага факультэта ВДУ, сябра Беларускага саюза мастакоў (секцыя маладых мастакоў).
На сёлетняй выставе @chert_serg пакажа больш за 50 работ, большасць з якіх напісаныя ў апошнія гады і экспануюцца ўпершыню:
«Канцэпцыя выставы будуецца на паралельнай арганізацыі супярэчлівай марфалогіі абстрактна-фармальных структур унутранай вібрацыі аўтара з рэалістычна-аналітычнай мадуляцыяй жывапісных твораў.»
Запрашаем усіх зацікаўленных!
Працягваем калажыць разам з Наталляй Тарабукай!
@leonta55ster
27 лістапада а 18-й гадзіне ў арт-прасторы “Талстога,7” адбудзецца чарговая сустрэча “Калажнай лабараторыі”.
Гэта майстар-класы, дзе любы зацікаўлены зможа зрабіць плакаты, кнігі і паштоўкі ў тэхніцы калажу.
У гэтую сераду зробім плакат у стылі трэш-арт 🔥
З сабой можна прыносіць старыя газеты, упакоўкі, кавалкі тканін і іншае “смецце” 😉
Уваход вольны. Запіс у дырэкт.
У афішы выкарыстаны калаж @lw1er , зроблены на папярэдняй сустрэчы.
Працягваем майстар-класы па скетчынгу 🔥
У арт-прасторы “Талстога,7” 24 лістапада ў 11.30 адбудзецца чарговая скетчынг-сустрэча з Васілісай Зароўскай @vasilisa_zarovskaja ✨
Усё як звычайна: з Вас скетчбук ці папера для малявання (мінімальна а4, але лепш нават а3) ды любімыя мастацкія прыналежнасці, ад нас - гарбата і ўтульная атмасфера🙂
У гэты раз будзем маляваць стары насценны гадзіннік. Будзем пашыраць свой кругагляд і выходзіць за межы звыклага 😏
Працягласць сустрэчы: 1-1,5 гадзіны.
Уваход вольны. Запіс у дырэкт.
Працягваем калажыць разам з Наталляй Тарабукай!
20 лістапада ў 17.30 у арт-прасторы “Талстога,7” адбудзецца чарговая сустрэча “Калажнай лабараторыі”.
Гэта майстар-класы, дзе любы зацікаўлены зможа зрабіць плакаты, кнігі і паштоўкі ў тэхніцы калажу.
У сераду зробім колерагукавыя сінестэзіі і на іх аснове – музыкальны плакат альбо вокладку для музыкальнага часопіса.
Абяцаем утульную атмасферу і гарбату! Па жаданні можна прыносіць з сабой цукеркі ды печыва.
Уваход вольны. Запіс у дырэкт.
У афішы выкарыстаны калаж @albasshch , зроблены на папярэдняй сустрэчы.
20 лістапада а 17 гадзіне ў выставачнай зале Віцебскага цэнтра сучаснага мастацтва на Фрунзэ, 11 адбудзецца адкрыццё персанальнай выставы жывапісу Вячаслава Дружкіна.
Вячаслаў Паўлавіч Дружкін нарадзіўся 8 ліпеня 1959 года ў Казахстане. Скончыў Цалінаградскі машынабудаўнічы тэхнікум. У 1984 годзе паступіў у Дзяржаўны завочны народны ўніверсітэт мастацтваў (г. Масква) на афарміцельскі факультэт. Вучыўся ў Аркалыцкім педінстытуце на мастацка-графічным факультэце. Пасля заканчэння інстытута выкладаў працоўнае навучанне і маляванне ў школе. У 1996 годзе пераехаў у Беларусь, на радзіму маці. Менавіта тут і пачаўся творчы шлях мастака.
Вячаслаў Дружкін бярэ актыўны ўдзел у выставах, яго работы набыты для прыватных калекцый у Беларусі, Расіі, Казахстане, Італіі, Германіі. З 2022 года з’яўляецца сябрам Народнага клуба “Контур”.
У экспазіцыі будзе прадстаўлена больш за 20 жывапісных твораў, створаных за апошнія 15 гадоў. Сярод іх як рэалістычныя краявіды, так і абстрактныя кампазіцыі.
Выстава прымеркавана да 65-годдзя мастака.
Экспазіцыя будзе працаваць да 12 студзеня ўключна.
Працягваем восеньскі цыкл лекцый па гісторыі і сімволіцы плаката «Плакат быў, ёсць, будзе!»
Лекцыі чытае сябра Беларускага саюза дызайнераў Наталля Тарабука @leonta55ster 🔥
8 лекцыя: Музычны плакат.
Візуальныя сінестэзіі. Рэклама для прасоўваннямузычных праектаў.
На лекцыі разгледзім семантычныя і кампазіцыйныя прыёмы стварэння плакатаў і афіш да канцэртаў і фестываляў, прома музычных альбомаў і праектаў. Выявім ролю мастацкага аспекту візуалізацыі музыкі, гучання колеру і сінестэзій у стварэнні сугучнага візуальнага кантэнту.
🕒 17 лістапада а 15-й гадзіне
📍Музей гісторыі Віцебскага народнага мастацкага вучылішча (вул. Марка Шагала, 5а)
Уваход вольны. Запіс у дырэкт абавязковы.
Учора ў музеі гісторыі Віцебскага народнага мастацкага вучылішча адбылося адкрыццё выставы Уладзіміра Хіна “Ad infinitum. Веліміру Хлебнікаву прысвячаецца”.
Уладзімір Хін (Правідохін) – вядомы мастак-графік, чыя творчая спадчына займае асаблівую нішу ў беларускім мастацтве.
Мастак працуе серыямі графічных лістоў, прысвячаючы іх сусветна вядомым пісьменнікам, мыслярам, жывапісцам. На выставе прадстаўлена 70 графічных твораў майстра, прысвечаных творчасці Веліміра Хлебнікава – аднаго з самых значных паэтаў дарэвалюцыйнай і паслярэвалюцыйнай Расіі. У 2025 годзе спаўняецца 140 гадоў з дня нараджэння гэтага найбуйнейшага дзеяча рускага авангарда.
Выстава працуе з серады па нядзелю з 10 да 18 да 10 студзеня ўключна.
13 лістапада а 16.00 гадзіне ў музеі гісторыі Віцебскага народнага мастацкага вучылішча адбудзецца ўрачыстае адкрыццё персанальнай выставы беларускага мастака Уладзіміра Хіна «Ad infinitum. Веліміру Хлебнікаву прысвячаецца».
Уладзімір Хін (Правідохін) – вядомы мастак-графік, чыя творчая спадчына займае асаблівую нішу ў беларускім мастацтве.
Яго майстэрства разнапланава і ўключае ў сябе станковую і шрыфтавую графіку, жывапіс, абразную гравюру на дрэве, чорна-белыя і каляровыя лінагравюры. Мастак займаецца праблемай сінтэзу ў выяўленчым мастацтве: выява і слова, колер, гук, прастора і час, знак і знакавыя сістэмы.
Уладзімір Хін працуе серыямі графічных лістоў, прысвячаючы іх сусветна вядомым пісьменнікам, мыслярам, жывапісцам. На выставе будзе прадстаўлена 70 графічных твораў майстра, прысвечаных творчасці Веліміра Хлебнікава – аднаго з самых значных паэтаў дарэвалюцыйнай і паслярэвалюцыйнай Расіі. У 2025 годзе спаўняецца 140 гадоў з дня нараджэння гэтага найбуйнейшага дзеяча рускага авангарда.
Выстава будзе працаваць да 10 студзеня 2025 г.
